Мадриднинг “Атлетико” клуби “Тоттенхэм”ни ярим ҳимоячи Пьер-Эмил Хёйбьергни сотишга кўндира олмаяпти.
Даниялик футболчи трансфер бозорида "матрасчилар" учун устувор вариант бўлиб қолмоқда, аммо клуб "шпорлар" билан шартноманинг баъзи шартлари бўйича келиша олмаяпти, дейди инсайдер Маттео Моретто. 28 ёшли ярим ҳимоячи аллақачон мадридликлар билан шахсий келишувга эришган. Ла Лига гранди "Тоттенхэм"нинг талабларини имкон қадар тезроқ қондириш йўлини топишга умид қилмоқда.
Пьер-Эмил Хёйбьерг Transfermarkt томонидан 45 миллион еврога баҳоланган. Футболчи билан Саудиянинг "Ал-Аҳли" клуби ҳам қизиқаётган эди.
