"Фенербахче" "Манчестер Юнайтед"да 5 мавсум ўтказган ярим ҳимоячи Фредни ўз таркибига қўшиб олмоқчи.
Журналист Ягиз Сабункуўғлининг ижтимоий тармоқларда ёзишича, "канарейкалар" 30 ёшли бразилиялик футболчи билан келишиб бўлган. Эндиликда Туркия Суперлигасининг топ-клуби “қизил иблислар” билан музокараларни давом эттирмоқда.
Ҳаммаси бўлиб Фред "Манчестер Юнайтед" сафида 213 та расмий ўйинда майдонга тушиб, 14 та гол урган ва 19 та голли узатмани ҳамкорларига берган.
Тransfermarkt портали футболчини 20 миллион еврога баҳоламоқда. Фреднинг "МЮ"даги амалдаги шартномаси яна бир мавсумга мўлжалланган.
