"Наполи" президенти Аурелио де Лаурентис неаполликлар ҳужумчиси Виктор Осимхеннинг келажаги ҳақида гапирди.
"Осимхен қолмоқда, унинг ҳали ҳам икки йиллик шартномаси бор. У қаерга кетиши керак? Шартномалар мавжуд ва улар ҳар доим иккала томон томонидан ҳурмат қилиниши керак, чунки бу икки томонлама муносабатлардир", - деб Де Лаурентис сўзларини келтиради Sky Sports Italia.
24 ёшли нигериялик футболчи ўтган мавсумда “Наполи” сафида барча турнирлар доирасида 39 та ўйинда майдонга тушиб, 31 та гол урди ва 5 та голли узатмани амалга оширди. У А Сериянинг энг яхши тўпурарига айланди.
