"ПСЖ" ҳужумчи Неймарнинг "Барселона"га ўтишига рози бўлди. Бу ҳақда Sport.es нашри хабар бермоқда.
Олдинроқ парижликлар бош мураббийи Луис Энрике спорт директори билан биргаликда Неймар ва яна тўрт нафар футболчига яқинлашиб келаётган мавсумда уларга ишонч билдирмаслигини маълум қилганди.
Манбага кўра, "ПСЖ" ўтиш жараёни амалга ошиши учун музокараларда мослашувчанлик кўрсатишга тайёр.
Шу билан бирга, Каталония клуби бразилияликни ўз сафига қўшиб олмоқчими ёки йўқми ҳозирча ноаниқ.
Олдинроқ Неймарни Саудия Арабистонидаги клублардан бири сотиб олиб, сўнг футболчини "Барселона"га ижарага бериши мумкинлиги ҳақида хабарлар тарқалган эди.
