Футбол бўйича Швеция аёллар терма жамоаси ҳимоячиси Йонна Андерссон 2023 йилги аёллар ўртасидаги жаҳон чемпионати 1/4 финалида Японияни мағлуб этганидан сўнг йиғлаётган рақибига тасалли берди.
Япония аёлар терма жамоасининг ёш юлдузи Маика Хамано турнирни тарк этгани учун кўз ёшларини тия олмади. Андерссон ғалабани нишонлаш ўрнига 19 ёшли япон қизга тасалли беришга ҳаракат қилди.
"Мен унга ҳали олдинда кўплаб жаҳон чемпионатлари борлигини айтдим" - деди Андерссон матбуот анжуманида.
Эслатиб ўтамиз, бугун, 11 август куни аёллар ўртасидаги ЖЧ - 2023 учрашувида Япония ва Швеция терма жамоалари тўқнаш келишди. Чорак финал ўйини "Эден Парк" стадионида (Окленд, Янги Зеландия) бўлиб ўтди. Ўйин 2:1 ҳисобида Швеция фойдасига ҳал бўлди.
