"Манчестер Сити" ҳужумчиси Эрлинг Холанд кетма-кет икки йил ичида Премьер-лига тарихида АПЛнинг янги мавсумининг биринчи турида икки ёки ундан ортиқ гол урган иккинчи футболчига айланди. OPTA Sports хабарига кўра, бунгача фақат "Челси"нинг собиқ ҳужумчиси Дидье Дрогба бундай натижага эришган.
Эслатиб ўтамиз, 2022/23 йилги мавсумнинг биринчи даврасида Холанд "Вест Хэм"га қарши ўйинда дубль қайд этганди. Ўша учрашув 2:0 ҳисобида "шаҳарликлар" фойдасига ҳал бўлган. Бугунги ўйинда норвегиялик футболчи биринчи бўлимнинг ўзидаёқ дубль қайд этди ва 4 ва 37-дақиқаларда “Бёрнли” дарвозасини ишғол қилди.
