"Интер"нинг чап қанот ҳимоячиси Робин Госенс ҳамон Бундеслига клубига ўтиши мумкин.
Миш-мишлар 29 ёшли футболчини ёз бошидан буён бир қанча турли клублар билан боғлашди, бироқ даъвогарларнинг ҳеч бири келишувга эриша олмади. Sky Sport хабарига кўра, "Интер" "Унион Берлин"дан Госенс учун янги таклиф олган. Потенциал трансфер нархи 15 миллион еврога баҳоланмоқда, бу "нерадзуррилар"га жуда мос келади. Ҳозир томонлар ўтиш жараёнининг тафсилотларини муҳокама қилмоқда.
Робин Госенсни "Интер" "Аталанта"дан 27,4 миллион еврога сотиб олди. Немис латералининг шартномаси 2026 йилнинг ўрталарига қадар мўлжалланган.