Англия терма жамоасининг собиқ ҳужумчиси Гари Линекер нима учун "Интер Майами" ҳужумчиси Лионель Мессини тарихдаги энг буюк футболчи деб билишини айтди.
"Менимча, Месси мен томоша қилишдан завқланган энг буюк футболчи.
Месси йигирма йил давомида менга катта қувонч бахш этди. У оддий одамлар қила олмайдиган нарсани қилади. Уни кузатиш шунчаки ёқимли. У иштирок этган ҳар бир ўйинни кузатиб бораман.
Ҳатто оддий кунларда ҳам у бир ўйинда уч-тўртта ишни бажаради, мен буни бутун фаолиятим давомида қилмаганман деб ўйлайман" - деди Линекер.
