УЕФА 2022/2023 йилги мавсумнинг энг яхши мураббийи совринига эга бўладиган уч мутахассис номини эълон қилди.
Якуний рўйхатга «Манчестер Сити»дан Хосеп Гвардиола, «Интер»дан Симоне Индзаги ва ўтган мавсумда «Наполи»ни бошқарган Лучано Спалетти кирди.
Эслатиб ўтамиз, «Манчестер Сити» ва «Интер» Чемпионлар лигаси финалида ўйнашди. Хосеп Гвардиола жамоаси минимал ғалабага эришди (1:0), бунинг эвазига требл қайд этди.
Лучано Спалеттига келсак, «Наполи» унинг бошчилигида 1990 йилдан бери илк бор Италия чемпионига айланди.
Соврин 31 август куни Чемпионлар лигаси гуруҳ босқичига қуръа ташлаш маросимида топширилади.
