“Ан-Наср” Саудия Арабистони чемпионати доирасидаги “Ат-Таавун”га имкониятни бой берди – 0:2.

Меҳмонлар Леандре Лавамба ва Аҳмад Баҳусейн киритган голлар эвазига ғалабани тантана қилишди.

Мезбонларнинг асосий таркибда майдонга тушган португалиялик ҳужумчиси Криштиану Роналду унумли ҳаракатлари билан ажралиб турмади. Янги келган Садио Мане ва Марсело Брозович ҳам "Ан-Наср"да тўлиқ ўйин ўтказди.

Саудия Арабистони чемпионатининг икки туридан сўнг “Ан-Наср” очко ололмади ва 15-ўринга жойлашди. “Ат-Таавун” 4 очко билан 4-ўринда бормоқда.

Кейинги турда “Ан-Наср” “Ал-Фатеҳ” билан баҳс олиб боради. Учрашув 25 август куни бўлиб ўтади. “Ат-Таавун” шу куни “Абҳа” клуби билан учрашади.