“An-Nasr” Saudiya Arabistoni chempionati doirasidagi “At-Taavun”ga imkoniyatni boy berdi – 0:2.

Mehmonlar Leandre Lavamba va Ahmad Bahuseyn kiritgan gollar evaziga g‘alabani tantana qilishdi.

Mezbonlarning asosiy tarkibda maydonga tushgan portugaliyalik hujumchisi Krishtianu Ronaldu unumli harakatlari bilan ajralib turmadi. Yangi kelgan Sadio Mane va Marselo Brozovich ham "An-Nasr"da to‘liq o‘yin o‘tkazdi.

Saudiya Arabistoni chempionatining ikki turidan so‘ng “An-Nasr” ochko ololmadi va 15-o‘ringa joylashdi. “At-Taavun” 4 ochko bilan 4-o‘rinda bormoqda.

Keyingi turda “An-Nasr” “Al-Fateh” bilan bahs olib boradi. Uchrashuv 25 avgust kuni bo‘lib o‘tadi. “At-Taavun” shu kuni “Abha” klubi bilan uchrashadi.