"Ланс" ҳужумчи Элье Ваининг трансфери борасида "Монпелье" билан келишиб олди. Журналист Санти Унанинг фикрича, агар ҳаммаси режадагидек кетса, 19 август, шанба куни франциялик футболчи тиббий кўрикдан ўтиши, кейин эса беш йиллик шартнома имзолаши керак.
Аввалроқ Ваининг трансфери тахминан 30 миллион еврога баҳоланганди. "Челси", "Вест Хэм" ва "Айнтрахт Франкфурт" каби жамоалар футболчини қўлга киритишга ҳаракат қилишди, аммо айнан "Ланс", санаб ўтилган клублардан фарқли ўлароқ, якунда Чемпионлар лигасида иштирок этади.
20 ёшли Ваи ўтган мавсумда Франция чемпионатида 19 та гол урди ва 5 та голли узатмани амалга оширди.
