Италия олий маъмурий суди “Ювентус”нинг Италия футбол федерацияси, Миланнинг “Интер”и ва Италия олимпия қўмитаси устидан берган шикоятини қаноатлантирмади, деб хабар бермоқда ANSA.
Турин клуби 2005/06 йилги мавсумда жамоани чемпионлик унвонидан маҳрум қилиш ишига қарши чиқишга уринди. Манбага кўра, бу якуний қарор бўлиб, "Ювентус" бундан буён эътироз билдира олмайди.
2005/06 йилги мавсумда "Ювентус" келишилган ўйинларда иштирок этганликда айбланган эди. Кўриб чиқиш натижасида клуб чемпионликдан маҳрум этилди ва Б Серияга тушириб юборилди. Мавсумдаги ғалаба “Интер”га насиб этди.
