"Реал Сосьедад" ярим ҳимоячиси Арсен Захарян Испания чемпионатининг 3-тури доирасида "Лас-Палмас"га қарши ўйинда жамоа сафида дебют ўйинини ўтказиши учун астойдил ҳаракат қилмоқда.
"Клубимиз жума куни Захаряннинг майдонга тушиши учун астойдил ҳаракат қилмоқда", - дейилади испан клубининг баёнотида.
19 август куни "Реал Сосьедад" Захарян трансферини эълон қилди. 20 ёшли россиялик футболчининг Сан-Себасьтян клуби билан шартномаси 2028/29 йилги мавсум охиригача тузилган. Аввалроқ футболчи Москванинг “Динамо” жамоасида ўйнаган.
23 август куни "Реал Сосьедад" ярим ҳимоячини ҳалигача Ла Лигада ўйнаш учун рўйхатдан ўтказмагани хабар қилинганди. Бироқ клуб барча расмиятчиликларни пайшанба куни ҳал қилишни кутаётгани қайд этилди.
“Реал Сосьедад” 25 август куни “Лас-Палмас”га қарши баҳс олиб боради.













