"Байер" ҳужумчиси Сердар Азмуннинг агенти Арманд Дурн футболчининг "Рома"га ўтиши ҳақида фикр билдирди.
“Биз ҳозирда “Рома”га кўчиб ўтиш билан бандмиз, буни янгиликларда кўрган бўлсангиз керак. Россияда ҳамма Сердарнинг қайтишини кутаётганмиди? Кечирасиз, лекин келажакда ҳаёт қандай ўзгаришини ҳеч қачон билмайсиз", - деди агент.
Инсайдер Фабрицио Романо хабарига кўра, 28 ёшли эронлик футболчига "Рома" даъвогарлик қилмоқда.
Ўтган мавсумда Азмун леверкузенликлар сафида 33 та ўйин ўтказиб, 4 та гол ва 4 та голли узатмага муаллифлик қилган.
