Россиялик ярим ҳимоячи Арсен Захарян Испания чемпионати 3-туридан ўрин олган "Лас-Палмас"га (0:0) қарши ўйинда "Реал Сосьедад"даги дебюти ҳақида фикр билдирди. 20 ёшли футболчи 75-дақиқада майдонга тушди.
"Дебют билан табриклаганингиз учун катта раҳмат. Ҳаммаси яхши, жамоада мени яхши кутиб олишди. Майдонга тушиш жуда ҳаяжонли эди. Бу мен учун бутунлай бошқа дунё. Бора-бора кўникаман", - деди футболчи Okko Sport билан суҳбатда.
Захарян бир ҳафта олдин Москванинг “Динамо” клубидан “Реал Сосьедад”га ўтган эди. Ярим ҳимоячи 2029 йилнинг июнь ойи охиригача мўлжалланган узоқ муддатли шартнома тузди. Трансфер суммаси 12 миллион еврони ташкил қилди.
