"Наполи" президенти Аурелио де Лаурентис "Наполи"нинг собиқ бош мураббийи Лучано Спалетти Италия терма жамоаси бош мураббийи этиб тайинланганига муносабат билдирди.

“Ҳозир бу масала билан адвокатлар шуғулланмоқда, мен аралашмайман. Спалетти кетишдан олдин жуда чарчаганини ва дам олмоқчи эканлигини айтди. Шунинг учун мен уни қўйиб юборишга рози бўлдим. Унинг бошида нима бўлаётганини фақат унинг ўзи билади", - деди неаполликлар раҳбари.

Спалетти терма жамоа билан 2026 йилнинг ўрталарига қадар мўлжалланган узоқ муддатли меҳнат шартномасини имзолади.