“Сассуоло” ҳужумчиси Доменико Берарди “Наполи” билан сафарда бўлиб ўтадиган А сериянинг навбатдаги турида жамоасига ёрдам бермайди. Tuttosport хабарига кўра, ярим ҳимоячи трансфер ойнаси тугагунига қадар Туриннинг "Ювентус" клубига ўтишдан умидвор.
Эслатиб ўтамиз, "кекса сеньора" ҳалигача "Сассуоло" билан товон пули борасида келиша олмаяпти. "Қора-яшиллар" ўз футболчиси учун 30 миллион евродан кўпроқ талаб қилмоқда, "Ювентус" эса бундай пулни тўлашга тайёр эмас.
Берарди ёзда “Сассуоло”ни тарк этишга қарор қилган. 29 ёшли италиялик футболчи ҳозиргача бутун фаолиятини шу клубда ўтказди.
