"Барселона" ҳужумчиси Ферран Торрес "Вильярреал"га қарши кечган (4:3) ўйиндан сўнг ўз фикрларини билдириб ўтди. Испаниялик форвард захирадан ўйинга қўшилиб, жамоасининг 3-голига муаллифлик қилди.
"Мен ўз имкониятларимдан фойдаланишга ва жамоага ёрдам беришга ҳаракат қиламан. Мен ўз голимни оилам ва мухлисларимга бағишламоқчиман. Мен қўлимдан келганича ҳаракат қиламан ва ишлар қандай кетаётганидан мамнунман. Энг муҳими, жамоага ёрдам беришдир", - деди Ферран.