"Барселона" президенти Жоан Лапорта трансфер ойнаси ёпилишидан олдин янги трансферларга рухсат берди.
"Трансферлар масаласи ҳали ёпилмаган, бу ҳақда Декудан сўранг. Биз янада кўпроқ ўйинчиларни жалб қилиш учун молиявий фэйр-плейга риоя қилишни таъминлашга ҳаракат қиламиз", - деди Лапорта AS билан суҳбатда.
Ярим ҳимоячилар Илкай Гюндоган ва Ориол Ромеу ёзда "кўк-анорранглилар" сафига кўчиб ўтишди.
Каталонияликлар трансфер ойнаси ёпилгунига қадар "Манчестер Сити" ҳимоячиси Жоау Канселуни ўз сафига қўшиб олиши кутилмоқда. Гап сотиб олиш мажбурияти билан ижарага олиниши ҳақида кетмоқда.
