"Бавария" ижрочи директори Ян-Кристиан Дрезен ҳимоячи Бенжамин Павар атрофидаги вазият ҳақида фикр билдирди.
Эслатиб ўтамиз, мюнхенликлар клуби франциялик футболчига "Интер"да тиббий кўрикдан ўтиш учун Миланга учиб кетишга ҳали рухсат бермаган.
"Бенжамин сўнгги бир неча кун давомида машғулот ўтказмади. У ўзини яхши ҳис қилмади, чунки қорин ва белида оғриқ бор эди. Ишончим комилки, трансфер ойнасининг сўнгги кунларида унинг келажаги учун ечим топамиз", - деди Дрезен матбуот анжуманида.
“Бавария” аввалроқ Паварни 33 миллион еврога сотишга рози бўлганди, бироқ сотилишидан олдин мюнхенликлар клуби франциялик футболчига ўринбосар топмоқчи.
