"Bavariya" ijrochi direktori Yan-Kristian Drezen himoyachi Benjamin Pavar atrofidagi vaziyat haqida fikr bildirdi.
Eslatib o‘tamiz, myunxenliklar klubi fransiyalik futbolchiga "Inter"da tibbiy ko‘rikdan o‘tish uchun Milanga uchib ketishga hali ruxsat bermagan.
"Benjamin so‘nggi bir necha kun davomida mashg‘ulot o‘tkazmadi. U o‘zini yaxshi his qilmadi, chunki qorin va belida og‘riq bor edi. Ishonchim komilki, transfer oynasining so‘nggi kunlarida uning kelajagi uchun yechim topamiz", - dedi Drezen matbuot anjumanida.
“Bavariya” avvalroq Pavarni 33 million yevroga sotishga rozi bo‘lgandi, biroq sotilishidan oldin myunxenliklar klubi fransiyalik futbolchiga o‘rinbosar topmoqchi.
