Франциялик ҳимоячи Пьер Калюлю жорий трансфер ойнасида “Милан”ни тарк этмайди, бу ҳақда инсайдер Николо Шкира ижтимоий тармоқ орқали маълум қилди.
Футболчи фаолиятини Германия чемпионатида давом эттириш имкониятига эга бўлиб, унга "Бавария" қизиқиш билдирган. Бироқ Италия гранди раҳбарияти футболчи билан хайрлашишдан бош тортди.
Италия чемпионатининг янги мавсумида Калюлю “россонерилар” таркибида битта ўйин ўтказди. 23 ёшли ҳимоячининг милан клуби билан шартномаси 2027 йилнинг июн ойи охиригача тузилган. Унинг трансфер нархи 30 миллион еврога баҳоланмоқда.
