Fransiyalik himoyachi Pyer Kalyulyu joriy transfer oynasida “Milan”ni tark etmaydi, bu haqda insayder Nikolo Shkira ijtimoiy tarmoq orqali ma’lum qildi.
Futbolchi faoliyatini Germaniya chempionatida davom ettirish imkoniyatiga ega bo‘lib, unga "Bavariya" qiziqish bildirgan. Biroq Italiya grandi rahbariyati futbolchi bilan xayrlashishdan bosh tortdi.
Italiya chempionatining yangi mavsumida Kalyulyu “rossonerilar” tarkibida bitta o‘yin o‘tkazdi. 23 yoshli himoyachining milan klubi bilan shartnomasi 2027 yilning iyun oyi oxirigacha tuzilgan. Uning transfer narxi 30 million yevroga baholanmoqda.
