"Манчестер Юнайтед" ярим ҳимоячиси Ганнибал Межбри жамоани тарк этиши мумкин.
20 ёшли футболчи асосан "қизил иблислар"нинг ўринбосарлар таркибида ўйнайди, аммо трансфер бозорида талаб юқори. Журналист Лаури Уайтвеллнинг сўзларига кўра, “Эвертон” ва Испаниянинг “Севилья” клублари Межбри трансфери бўйича “Манчестер Юнайтед” билан боғланишган, бироқ рад жавоби берилган. Манчестер клуби тунисликни бу мавсумда Эрик тен Хаг жамоасига фойда келтириши мумкинлигига ишонмоқда.
Transfermarkt маълумотларига кўра Ганнибал Межбри 8 млн еврога баҳоланган. Сўнгги мавсумда ҳужумкор ярим ҳимоячи "Бирмингем"да ижара асосида ўйнади.