Бугун Конференциялар лигаси гуруҳ босқичига қуръа ташлаш маросими бўлиб ўтади. Тадбир ҳақида батафсил маълумот бериб ўтамиз.

Қачон ва қаерда?
Конференциялар лигаси гуруҳ босқичига қуръа ташлаш маросими 1 сентябрь куни Тошкент вақти билан 17:30да бошланади. Маросим "Спорт" канали орқали жонли трансляция қилиниши режалаштирилган.

Кимлар иштирок этади?
Конференциялар лигаси гуруҳ босқичида 32 жамоа иштирок этади: 22 клуб саралаш орқали гуруҳ босқичига етиб келган бўлса, яна 10 жамоа эса Европа лигаси саралаши босқичидан чиқиб кетиши натижасида КЛга ўтди.

Қуръадан аввал жамоалар 4та саватчага ажратилган:

1-сават: «Айнтрахт» (Германия), «Динамо Загреб» (Хорватия), «Гент», «Брюгге» (иккиси – Бельгия), «АЗ Алкмаар» (Нидерланды), «Фенербахче» (Туркия), «Лилль» (Франция), «Ференцварош» (Венгрия);

2-сават: ПАОК (Греция), «Слован» (Словакия), «Маккаби Тел-Авив» (Исроил), «Виктория» (Чехия), «Астон Вилла» (Англия), «Лудогорец» (Болгария), «Фиорентина» (Италия), «Буде-Глимт» (Норвегия);

3-сават: «Генк» (Бельгия), «Заря» (Украина), «Астана» (Қозоғистон), «Бешиктош» (Туркия), ХИК (Финляндия), «Спартак Трнава» (Словакия), «Олимпия» (Словения), «Легия» (Польша);

4-сават: «Зриньски» (Босния ва Герцеговина), «Клаксвик» (Фарерские Острова), «Абердин» (Шотландия), «Чукарички» (Сербия), «Лугано» (Швейцария), «Брейдаблик» (Исландия), «Нордшелланд» (Дания), «Балкани» (Косово).

Қуръа тартиби
1) Бир саватчадан ўрин олган жамоалар бир гуруҳга тушмайди;
2) Бир мамлакат клублари бир гуруҳдан ўрин олмайди;
3) Бошқа чеклов бўлса, бу ҳақда қуръадан эълон қилинади.

Кейин-чи?
Қуръадан сўнг гуруҳ босқичи тақвими ишлаб чиқилади ва тасдиқланади. Жамоалар ўзаро уй-сафар тизимидан икки мартадан тўқнаш келишади. Дастлабки икки жамоа ЕЛ плей-офф босқичига йўл олади. Бунда гуруҳ ғолиблари тўғридан-тўғри нимчорак финалга йўл олса, 2-ўрин эгалари 1/16 финал босқичи доирасида ЕЛдан ўтган клублар билан ўзаро тўқнаш келади.

Учинчи ва тўртинчи поғонада қолган жамоалари учун еврокубоклар мавсуми якунига етади. Гуруҳдаги ўринларни аниқлашда, агар очколар тенг келиб қолса, ўзаро ўйинлар натижаларига қаралади.

Гуруҳ босқичи ўйинлари қуйидаги саналарда ўтказилади:

1-тур: 21 сентябрь
2-тур: 5 октябрь
3-тур: 26 октябрь
4-тур: 9 ноябрь
5-тур: 30 ноябрь
6-тур: 14 декабрь

Финал
Конференциялар лигаси финали 2024 йилнинг 29 май куни Грециянинг Афина шаҳридаги "Аё София" садионида бўлиб ўтади.