Испания Ла лигасининг 4-турида “Вильярреал” меҳмонда “Кадис”га имкониятни бой берди – 1:3.
Меҳмонлар 10-дақиқада Александр Сёрлотнинг голи эвазига ҳисобни очишди. Орадан 8 дақиқа ўтиб Крис Рамос ҳисобни тенглаштирди, яна 4 дақиқа ўтиб "Вильярреал" озчиликда қолди - Альфонсо Педраса қизил карточка олди.
"Кадис" сафида Дарвин Мачис дублига эришди. Венесуэлалик ҳужумчи 30-дақиқада пенальтини голга айлантирди ва иккинчи бўлим бошида яна бир бор гол урди.
"Кадис" 7 очко билан Ла Лигада 5-ўринга кўтарилиб олди. "Вильярреал" 3 очко билан турнир жадвалида 14-ўринда бормоқда.
Кейинги турда “Кадис” 16 сентябрь куни сафарда “Атлетик Бильбао”га қарши баҳс олиб боради. "Вильярреал" бир кундан кейин ўз майдонида "Альмерия"ни қабул қилади.
