МЛСнинг навбатдаги ўйини якунланди, унда "Интер Майами" сафарда "Лос-Анжелес" билан ўйнади. Ўйин 3:1 ҳисобида "Интер Майами" жамоаси фойдасига ҳал бўлди.
"Интер Майами"нинг аргентиналик ҳужумчиси Лионель Месси асосий таркибда майдонга тушди ва 90 дақиқа ўйнади. У бу ўйинда иккита ассистентлик қилди.
Аммо аргентиналик футболчи гол ура олмади. Бу Месси “Интер Майами” сафида кетма-кет иккинчи гол ура олмаган ўйиндир.
Унинг узатмаларидан сўнг бу ўйинда Жорди Альба ва Леонардо Кампаналар гол уришди.
Айни дамда “Интер Майами” 25 очко билан Шарқий конференция турнир жадвалида 14-ўринда бормоқда.
