Саудия Арабистонининг "Ал-Иттифоқ" клуби футболчиси Жордан Хердерсон ўзининг тақдимот маросими ҳақида фикр билдириб ўтди.

– "Ал-Иттифоқ" клуби сиз билан шартнома имзолагани ҳақидаги хабарда қилган ишига тўхталиб ўтсак. Ижтимоий тармоқларда тарқатилган видеода, сизнинг қўлингиздаги камалак рангдаги сардорлик боғичи кулранг рангга ўзгартириб қўйилганига одамлар аҳамият беришди. Кўпчилик бунга цензура белгиси сифатида қарашди. Сизнингча, аслида нега бундай қилинган?

– Бу ҳақда ҳеч нарсадан хабарим йўқ эди. Мен ҳамма нарсани тушуна олмайман. Чунки, бу диннинг бир бўлаги. Агар камалак рангли сардорлик боғичини тақиб юриш уларнинг динига нисбатан ҳурматсизлик бўлса, бу ҳам нотўғри. Ҳар бир инсон дин ва маданиятга ҳурмат билан қараши керак.

Хабарингиз бор, Саудия Арабистонида, масалан, аёллар ёки болалар узоқ йиллар давомида футбол ўйнай олишмаган. Аммо ҳозир кўп аёллар ва қизлар футбол ўйнашмоқда. Барчаси секин-аста ўзгариши мумкин.

Мен ҳеч нарса ваъда қила олмайман, аммо шуни айтишим мумкинки, ўзимнинг қадриятим ва эътиқодим бор. Шуниси аниқки, мен Саудия Арабистонида ўйнаяпман. Бу эса ижобий ҳолат.