Saudiya Arabistonining "Al-Ittifoq" klubi futbolchisi Jordan Xerderson o‘zining taqdimot marosimi haqida fikr bildirib o‘tdi.

– "Al-Ittifoq" klubi siz bilan shartnoma imzolagani haqidagi xabarda qilgan ishiga to‘xtalib o‘tsak. Ijtimoiy tarmoqlarda tarqatilgan videoda, sizning qo‘lingizdagi kamalak rangdagi sardorlik bog‘ichi kulrang rangga o‘zgartirib qo‘yilganiga odamlar ahamiyat berishdi. Ko‘pchilik bunga senzura belgisi sifatida qarashdi. Sizningcha, aslida nega bunday qilingan?

– Bu haqda hech narsadan xabarim yo‘q edi. Men hamma narsani tushuna olmayman. Chunki, bu dinning bir bo‘lagi. Agar kamalak rangli sardorlik bog‘ichini taqib yurish ularning diniga nisbatan hurmatsizlik bo‘lsa, bu ham noto‘g‘ri. Har bir inson din va madaniyatga hurmat bilan qarashi kerak.

Xabaringiz bor, Saudiya Arabistonida, masalan, ayollar yoki bolalar uzoq yillar davomida futbol o‘ynay olishmagan. Ammo hozir ko‘p ayollar va qizlar futbol o‘ynashmoqda. Barchasi sekin-asta o‘zgarishi mumkin.

Men hech narsa va’da qila olmayman, ammo shuni aytishim mumkinki, o‘zimning qadriyatim va e’tiqodim bor. Shunisi aniqki, men Saudiya Arabistonida o‘ynayapman. Bu esa ijobiy holat.