Испания терма жамоаси ва Мадриднинг “Реал” клуби ҳимоячиси Дани Карвахаль Евро-2024 саралашида иштирок этадиган Грузия терма жамоаси ҳақида фикр билдирди.
"Улар гуруҳда бор кучларини берган Шотландиядан кейин иккинчи ўринда. Грузия ўз майдонида ўйнаса, жуда кучли жамоа. Аммо биз яна қоқилишга ҳаққимиз йўқ", - деди Карвахаль Marca билан суҳбатда.
Эслатиб ўтамиз, 8 сентябрь куни Испания терма жамоаси Грузия билан ўйнайди. Кейин эса 12 сентябрь куни Кипр терма жамоаси билан ўйин ўтказади.
Евро-2024 саралашида ўтказилган иккита ўйиндан сўнг Испания терма жамоаси уч очко жамғариб, айни дамда саралаш гуруҳида тўртинчи ўринни эгаллаб турибди. Ўз навбатида Грузия терма жамоаси учта ўйин ўтказиб, тўрт очко жамғариб, иккинчи ўринни банд этиб турибди.
