Бир йил аввал Лондоннинг “Челси” клуби Томас Тухель билан хайрлашганди.

Немис мутахассиси 2022 йилнинг 7 сентябрида “кўклар” бошқарувчиси лавозимини тарк этган ва бўш ўринга Грэм Поттер тайинланган, у эса фақат апрелгача ишлаган. Жамоа ўтган мавсумни вақтинчалик Бруно Сальтор ва Фрэнк Лемпард билан ўтказди. CFCDaily маълумотларига кўра, Тухелсиз бир йил ичида "Челси" 36 та ўйин ўтказиб, атиги 38 очко тўплаган.

Лондон жамоаси сўнгги мавсумда Премьер-лигада 12-ўринни эгаллаган бўлса, жорий мавсум тўрт турдан кейин тўрт очко жамғарган.

Томас Тухель 25 мартдан буён “Бавария”ни бошқариб келмоқда.