"Реал Мадрид" ва Уругвай терма жамоаси ярим ҳимоячиси Федерико Вальверде Артуро Видалнинг ўйинига қойил қолганини айтди.
9 сентябрь куни Тошкент вақти билан соат 04:00да ЖЧ-2026 саралаш босқичи доирасида Уругвай ўз уйида Чилини қабул қилади. Ўйин арафасида Вальверде Видалга қандай муносабатда эканлигини айтиб ўтди.
"Видаль мени узоқ вақтдан бери ҳайратда қолдиради. Мен учун у Жанубий Америка ва дунёнинг энг яхши футболчиларидан бири. Мен ҳар доим телевизорда футбол кўрганимда унинг ўйинини кузатишга ҳаракат қилганман, ундан кўп нарсани ўрганишни истардим”, деди “Реал” ярим ҳимоячиси матбуот анжуманида.