Мадриднинг “Атлетико” клуби ҳужумчиси Антуан Гризманн “ПСЖ”нинг қизиқиш доирасига тушганди.

Лига1 гранди ёзги трансфер ойнасида франциялик ҳужумчини сотиб олишни кўриб чиққан. Журналист Лоик Танзи хабарига кўра, "ПСЖ" Гризманнни сотиб олиш имкониятини кўриб чиққан, бироқ 32 ёшли футболчининг маошини жуда юқори деб ҳисоблагани учун музокараларга киришмасликка қарор қилган.

"Атлетико" ўтган мавсумда "Барселона"дан Антуан Гризманни 20 миллион евро эвазига сотиб олганди. Футболчининг "матрасчилар" билан амалдаги шартномаси 2026 йилгача мўлжалланган ва унинг трансфер нархи, Transfermarkt маълумотларига кўра, 25 миллион еврони ташкил қилади.