Словения терма жамоаси ва "Атлетико" дарвозабони Ян Облак Испания чемпионатини Германия Бундеслигасига алмаштириш мумкин. Бу ҳақда Todofichajes нашри хабар бермоқда.

Манбага кўра, 30 ёшли дарвозабоннинг хизматларига Мюнхеннинг "Бавария" клуби қизиқиш билдирмоқда. Германия чемпиони яқин вақт ичида Облакни сотиб олиш имкониятини кўриб чиқишга тайёр. Мюнхенликлар Облакни синган оёғини даволаётган Мануэль Нойерга муқобил вариант сифатида кўрмоқда.

Ян 2014 йилдан бери "матрасчилар"да ўйнаб келмоқда. Унинг клуб билан шартномаси яна беш йилга мўлжалланган. Облакнинг трансфер қиймати 35 миллион еврога баҳоланмоқда.