"Манчестер Юнайтед" ярим ҳимоячиси Бруну Фернандеш жамоанинг янги ҳужумчиси Расмус Хёйлунн ҳақида гапирди.
20 ёшли данияликни “қизил иблислар” “Аталанта”дан 75 миллион евро эвазига сотиб олди. Трансфер август ойи бошида амалга оширилган. Ҳужумчи шу кунгача Эрик тен Хаг жамоасида фақат бир марта "Арсенал"га қарши ўйинда захирадан майдонга тушди.
“Хёйлунн ҳамма билан алоқада бўлишга ҳаракат қиладиган одамлардан биридир. Билишимча, у жуда қаттиқ ишлайди ва асосий таркибга кириш истагида. Ўйлайманки, у бизга куч беради ва умид қиламанки, кўп голлар ҳам уради. Мен у билан ҳам, жамоамизнинг бошқа ҳужумкор футболчилари билан ҳам имкон қадар яхши ўйнашни хоҳлайман", - дея Фернандеснинг сўзларидан иқтибос келтиради Football365.
