"Manchester Yunayted" yarim himoyachisi Brunu Fernandesh jamoaning yangi hujumchisi Rasmus Xyoylunn haqida gapirdi.
20 yoshli daniyalikni “qizil iblislar” “Atalanta”dan 75 million yevro evaziga sotib oldi. Transfer avgust oyi boshida amalga oshirilgan. Hujumchi shu kungacha Erik ten Xag jamoasida faqat bir marta "Arsenal"ga qarshi o‘yinda zaxiradan maydonga tushdi.
“Xyoylunn hamma bilan aloqada bo‘lishga harakat qiladigan odamlardan biridir. Bilishimcha, u juda qattiq ishlaydi va asosiy tarkibga kirish istagida. O‘ylaymanki, u bizga kuch beradi va umid qilamanki, ko‘p gollar ham uradi. Men u bilan ham, jamoamizning boshqa hujumkor futbolchilari bilan ham imkon qadar yaxshi o‘ynashni xohlayman", - deya Fernandesning so‘zlaridan iqtibos keltiradi Football365.
