"Бавария" ҳужумчиси Харри Кейн нега Мюнхен клубига ўтганини тушунтириб берди.
"Улар совринлар ҳақида кўп гапиришади, аммо бу менинг "Бавария"га ўтганимнинг ягона сабаби эмас эди. Агар яхшиланишни хоҳласам, энг юқори савияда ўйнашим керак эди.
Агар мен дунёнинг энг зўр ҳужумчилари ва энг зўр футболчилари қуршовида бўлишни истасам, Чемпионлар лигасида ўйнашим ва чемпионлик учун курашишим керак. Ўтган мавсум шахсан мен учун яхши ўтди, аммо жамоа сифатида "Тоттенхэм" учун эмас. Юқорига яна бир қадам ташлаш вақти келганди", - дея Кейн сўзларини келтиради The Guardian.
Эслатиб ўтамиз, Кейн ёзги трансфер ойнасида 100 миллион евродан кўпроқ эвазига "Тоттенхэм"дан "Бавария"га ўтган эди.
