Футзал бўйича Ўзбекистон терма жамоаси жаҳон рейтингида 24-ўринни эгаллаб турибди.

3 декабрь куни футзал терма жамоаларининг янги рейтинги эълон қилинди. Унга кўра, Хосе Мария Мендес шогирдлари жаҳоннинг 107 терма жамоаси орасида 24-ўринни эгаллаган. Ушбу натижа Ўзбекистон футзал терма жамоасини Осиё мамлакатлари орасида Эрон (жаҳон рейтингида 7-ўринда), Япония (9) ва Таиланддан (16) сўнг тўртинчи ўринга жойлаштирган.

Умумий рейтингда амалдаги жаҳон чемпиони – Бразилия футзал терма жамоаси 1981 очко билан пешқадамлик қилмоқда. Ундан кейинги ўринларда Испания, Италия, Россия, Португалия ва Аргентина терма жамоалари ўрин олган.
Тўлиқ рейтинг билан FutsalWorldRanking.be сайтида танишиш мумкин.