Ўзбекистон U-19 терма жамоаси U-19 қизлар Осиё чемпионати-2013 саралаш 2-гуруҳ босқичи «А» гуруҳи 2-тур учрашувида имкониятни бой бериб, мусобақанинг финал босқичига чиқиш имкониятларини кескин камайтириб юборди.

4 декабрь куни Ўзбекистон U-19 қизлар терма жамоаси 2013 йилги Осиё чемпионати саралаш 2-гуруҳ босқичи 2-тур учрашувлари доирасида Иордания терма жамоасига қарши майдонга тушди. Ўйин 1:0 ҳисобида иорданиялик футболчилар қизлар фойдасига ҳал бўлди. Ўйиндаги ягона гол 89-дақиқада Иордания U-19 қизлар терма жамоаси сардори, ярим ҳимоячи Луна Рами Амин томонидан пенальтидан урилди.

Ўзбекистон U-19 қизлар терма жамоаси саралаш 2-гуруҳ босқичи 1-турида Эрон терма жамоаси 1:1 ҳисобида дуранг ўйнаган эди. Ольга Ким шогирдлари гуруҳдаги учинчи учрашувни 6 декабрь куни саралаш босқичи фаворитларидан бири – Таиланд терма жамоасига қарши ўтказади.

Эслатиб ўтамиз, олти жамоа иштирок этадиган Осиё чемпионати финал босқичи йўлланмасини қўлга киритиш учун «А» ва «В» саралаш гуруҳи ғолиблари алоҳида плей-офф босқичи учрашувида майдонга тушишади.

U-19 қизлар Осиё чемпионати-2013 саралаш
2-босқич, «В» гуруҳи, 2-тур учрашуви
ИОРДАНИЯ – ЎЗБЕКИСТОН 1:0 (0:0)
ГОЛ: Луна Рами Амин (89, пенальти).
ОГОҲЛАНТИРИШЛАР: Ҳиба Ҳамза (90+3) – Маҳлиё Юсупова (88).
ИОРДАНИЯ: Зина Исмоил, Шарлотта Жорж, Даниа ал-Вақфий (Ҳиба Ҳамза, 90+2), Разан ал-Заға, Маи Салим, Ҳаё Марвон (Луна ал-Моманий, 68), Нур Рамиз (Дина Ҳиннавий, 82), Лара Валид Карлос, Луни Рами Амин, Анфал ал-Суфий, Аида ал-Суфий.
ЎЗБЕКИСТОН: Ҳурматой Раҳматуллаева, Улдона Тўхтаева, Маҳлиё Юсупова, Феруза Турдибоева, Гулсара Ҳақбердиева, Селиме Гугуева, Ильвина Абльякимова, Мафтуна Бахтиёрова, Наргиза Сайдалиева, Иродахон Турдиалиева (Иродахон Турдиалиев, 70), Зиёдахон Туланбоева (Юлдуз Набиева, 64).
БОШ ҲАКАМ: Маи Хоанг Транг (Вьетнам).
Хошимин, «Тонг Нҳат» стадиони. 100 томошабин.