"Бавария" бош мураббийи Томас Тухель энди трансфер режалаштиришда камроқ роль ўйнайди. Журналист Кристиан Фалк берган маълумотларга кўра, немис мутахассиси энди шунчаки раҳбариятга ўз хоҳиш-истаклари рўйхатини тақдим этиши мумкин, аммо мураббий қайсидир футболчининг номзоди бўйича якуний қарор қабул қилмайди.
Эслатиб ўтамиз, Тухель баҳорда "Бавария"ни қабул қилиб олган эди. Ўтган ёзда жамоа трансфер бозорида катта маблағ сарфлаб, жамоага бир қатор янги футболчиларни таклиф қилганди. Энг қиммат харид "Тоттенхэм"дан 100 миллион еврога сотиб олинган ҳужумчи Харри Кейн бўлди.
