"Барселона" спорт директори Деку жамоа бош мураббийи Хави Эрнандес билан шартномани узайтиришга лойиқлигига ишонч билдирмоқда.
Эслатиб ўтамиз, томонлар янги шартнома бўйича келишиб олишга яқин турибди, унга кўра испаниялик мутахассиснинг маоши ошади.
"Хави шартномани узайтиришга лойиқ. У янги шартнома имзолаши керак, чунки у ўзининг меҳнати эвазига бунга эришди", - деди Деку матбуот анжуманида.
Ўтган мавсумда Хави пойгада "Реал"ни мағлуб этиб, "Барселона"нинг Испания чемпионатида ғалаба қозонишига ёрдам берди.
