"ПСЖ" бош мураббийи Карло Анчелотти "Порту" устидан қозонилган ғалабадан сўнг ўз жамоаси ўйини ҳақида фикр билдирди.
"Бу жуда яхши ўйин бўлди. Жамоа шанба куни "Ницца"дан учраган мағлубиятдан сўнг ўзига келиб олди. Биз харктер кўрсатдик ва ўз усулимизда ўйнадик. Бизга яхши шаклланган жамоа тўп сурди, аммо ўйин бизнингназоратимизда бўлди. Бугун жамоа айнан мен хоҳлаган ўйинни кўрсатди. Балки, кимлардир бизни ҳисобдан чиқариб қўйгандир, аммо бу жамоанинг салоҳияти бор. Агар ниманидир яратмоқчи бўлсангиз, мақсадга дарров ета олмайсиз. Бироз сабр керак бўлади. Ҳозир миллий чемпионатда омадли қатнашяпмиз, янада кучайишга вақтимиз бор", - деди Анчелотти УЕФА расмий сайтига.
