Лондоннинг «Челси» клуби бош мураббийи Маурисио Почеттино Англия терма жамоасининг сўнгги ўйинларига чақирилмаган Раҳим Стерлинг ҳақида гапирди.

«Шахсан мен Стерлингнинг ўйинидан мамнунман. Сўнгги бир неча ҳафта ичида у яхши ишлади. Раҳим жуда қаттиқ меҳнат қилди. У ғайратли, ўйнашни ва «Челси»га ёрдам беришни хоҳлайди. Албатта, у Англиянинг бошқа топ-футболчилари каби миллий терма жамоада ўйнашни истарди», - деди аргентиналик мутахассис.

Жорий мавсумда Стерлинг «аристократлар» таркибида тўртта ўйин ўтказиб, иккита гол урди. Раҳим ўтган ёздан бери бу жамоа сафида тўп тепмоқда. Футболчининг шартномаси 2027 йилгача мўлжалланган.