32 ёшли дарвозабон Давид де Хеа фаолиятини Испания чемпионатида давом эттириши мумкин. Todofichajes хабарига кўра, юлдуз дарвозабонни ўз сафига Севильянинг "Бетис" клуби қўшиб олмоқчи.
Клуб раҳбарияти де Хеани 40 ёшли чилилик Клаудио Бравога ўринбосар сифатида кўрмоқда. Севилья клуби Давидни текинга олиши мумкин, чунки у "Манчестер Юнайтед"ни тарк этганидан кейин эркин агент.
Де Хеа "Атлетико Мадрид" академияси тарбияланувчиси ҳисобланади. Дарвозабон 2011 йилдан 2023 йилгача "Манчестер Юнайтед"да ўйнаган.
Ўтган мавсумда испаниялик футболчи 38 та ўйин ўтказиб, 43 та гол ўтказиб юборган.
