"Ноттингем Форест" бош мураббийи жамоанинг янги аъзоси Каллум Хадсон-Одои ҳақида юқори баҳо берди.
22 ёшли ярим ҳимоячи трансфер ойнасининг сўнгги соатларида "Челси"дан "ўрмончилар" сафига қўшилди. Англиялик футболчи янги жамоаси сафида АПЛдаги илк ўйинидаёқ “Бёрнли” дарвозасига гол уришга муваффақ бўлди (1:1).
“Мен унинг қобилияти борлигини биламан, у ўз даражасини кўрсата олади ва биз буни бугун кўрдик. Бу унинг учун ҳам, биз учун ҳам жуда яхши.
Сўнгги пайтларда у кўп ўйнамади, лекин машғулотларда яхши ҳаракат қилди. Бугун имкон қадар яхши ўйнаши учун уни қўллаб-қувватлашга ҳаракат қилдим. У ажойиб гол урди", - дея Купернинг сўзларини келтиради Fotmob.
