Лондоннинг “Челси” клуби ярим ҳимоячи Мойсес Кайседо “Астон Вилла”га қарши бўлиб ўтадиган Англия Премьер-лигаси ўйинида иштирок этишига умид қилмоқда. Бу ҳақда журналист Саймон Филлипс ижтимоий тармоқларда хабар берди.
Эслатиб ўтамиз, эквадорлик футболчи ФИФА кунларидаги ўйиндан енгил жароҳат олиб қайтганди. Шу сабабдан ярим ҳимоячи “Борнмут” билан 0:0 ҳисобида дуранг ўйнаган ўйинни ўтказиб юборди.
Қайд этилишича, "Челси" ҳам қанот ҳужумчиси Нони Мадуэкенинг "Астон Вилла"га қарши ўйинда қайтишига умид қилмоқда. Англиялик ўз мамлакатининг ёшлар терма жамоасида ўйнаган халқаро танаффус вақтида жароҳат олган эди.
