Мюнхеннинг “Бавария” клуби ҳужумчиси Томас Мюллер Чемпионлар Лигасида 100 та баҳсда ғалаба қозонган футбол тарихидаги учинчи футболчига айланди, деб хабар бермоқда Opta Sports.
"Бавария" Чемпионлар лигаси гуруҳ босқичининг 1-турида ўз майдонида "Манчестер Юнайтед"ни мағлуб этди - 4:3. 34 ёшли германиялик футболчи 87-дақиқада захирадан майдонга тушди.
Бу ғалаба Мюллер учун Чемпионлар лигасидаги фаолиятидаги 100-ғалаба бўлди. Илгари бу ютуқга Икер Касильяс (101 ғалаба) ва Криштиану Роналду (115) эришган эди.
Бундан ташқари, Мюллер футбол тарихида бир жамоа билан Чемпионлар лигасида 100 та ғалабага эришган биринчи футболчи бўлди, чунки Касильяс ва Роналду бир нечта клубларда ўйнаган.
