Жозе Моуриньонинг фикрича, "Рома" Европа лигаси финалида мағлуб бўлишга лойиқ эмас эди.

Аввалги Европа Лигасида "Рома" финалгача етиб борган ва у ерда "Севилья"га пенальтилар сериясида мағлуб бўлганди.

"Бу аввалги мавсумга қараганда бошқа мавсум ва бошқа мусобақа. Фаолиятимнинг сўнгги кунигача айтаман, Будапештдаги финалда мағлуб бўлмадик. Ва ҳар сафар мендан бу ҳақда сўралганда буни такрорлайман.

Бироқ, бу янги мусобақа ва биз ҳаммасини қайтадан бошлаймиз. Мақсад кейинги босқичга чиқиш.

Ўтган йилни мағлубият билан бошлагандик ва бу плей-офф йўлланмасини қўлга киритишимизни қийинлаштирди - биз Чемпионлар лигасидаги жамоага қарши ўйнашга мажбур бўлдик, бу биздек мавсумда жуда банд бўлган жамоа учун осон эмас.

Гуруҳда ғалаба қозона олсак, бу биз учун жуда муҳим бўлади", - деди "Рома" бош мураббийи.