“Вест Хэм” ҳужумчиси Муҳаммад Кудус Европа лигаси гуруҳ босқичи 1-турида Сербиянинг “Бака Топола” жамоаси устидан қозонилган ғалаба (3:1) ҳақида фикр билдирди.

23 ёшли ганалик футболчи 70-дақиқада лондонликлар сафидаги дебют голини киритди.

“Мен жамоага ёрдам бериш учун келдим ва бугун кўриб турганингиздек, биз уч очко олдик. Бу ерда анчадан бери бўлганимга ўхшайман, ҳамма мени ўзини оила аъзосидек ҳис қилади. Мен фақат мураббий айтганини қиламан. Энг муҳими, биз ғалаба қозондик”, дея Кудус сўзларини келтиради BBC.

Форвард ёзги трансфер ойнасида "Аякс"дан "Вест Хэм"га ўтган эди.